phone *5775
İnteraktiv xəritə floor-plan
Enjoy shopping in a historic space

Enjoy shopping by combining

the history of the place

"SHARG BAZAAR" SHOPPING CENTER WAS BUILT IN 1982 (ARCHITECTS UV REVAZOV, PI YARINOVSKY).

Azərbaycanın memarlıq abidəsi – “Şərq Bazarı” yenidən öz qapılarını memarlığı, ənənəvi dekorativ-tətbiqi sənəti, bədii sənətkarlığı və şərq mətbəxini sevənlərin üzünə açır. 
Layihənin ideyası irsi memar və ziyalı Uruzmaq Revazova məxsus olub. Memar P.Yarinovski və konstruktor A.Bessonovun da müştərək səyləri ilə 1982-ci ildə Bakı memarlıq şedevrləri səmasında modernizmin yeni ulduzu - “Şərq bazarı” alovlandı. Kompleksin təşkili qapalı şərq bazarlarının ənənəvi prinsiplərinə, daxili həyət ideyasına, səciyyəvi şərq günbəzlərinə və ornamentlərinə əsaslanırdı.
Kompleks qısa müddət ərzində paytaxt sakinləri və qonaqları üçün şəhərin sevimli simvollarından birinə çevrilmiş, ölkənin tarixi abidələri siyahısına daxil edilmiş və Azərbaycan tarixində ilk olaraq Ağa Xan Beynəlxalq Memarlıq Mükafatına namizəd olmuşdur. 
2018-ci ildə binanın yenidən qurulması zamanı yerli memarlar qarşısında çətin vəzifə qoyulmuşdu - bütün orijinal kompozit tikililəri qoruyub saxlamaqla yanaşı, kompleksi müasir infrastrukturla təchiz olunmuş bir festival məkanına çevirmək. Məqsəd ziyarətçilərin nəinki bazarı gəzərək, milli və şərq mətbəxinin yeməklərini dadması, həm də özünəxas yerli mədəniyyətin ağuşuna dalmaqla, xalq sənəti nümunələrinin yaradılması prosesinin şahidinə, hətta iştirakçısına çevrilə bilməsini təmin etməkdən ibarət idi.
Beləliklə, “Şərq Bazarı” ərazisində ənənəvi misgərlik, dulusçuluq və xalçaçılıq üzrə sənətkarlıq emalatxanaları, zərgərlik passajı və saysız-hesabsız tekstil, zövq oxşayan delikateslər, ekzotik meyvələr və ətir köşkləri yerləşəcək. Bütün bu şərq əzəməti öz rəngarəngliyi və özünəməxsusluğu ilə sizi heyran edəcək.
Bura hər bir qurmanın öz zövqünə uyğun təamlar dada biləcəyi, təəssürat axtarışında olanların rəngarəng tamaşaların seyrçisinə çevriləcəyi, turistlərin isə unudulmaz xatirələr toplayaraq, qucaqdolu suvenirlərlə yola düşəcəyi bir məkandır.
Kompleksin yenidən qurulması son mərhələdədir və tezliklə hər kəs Azərbaycan tarixini, mədəniyyətini və tərəqqisini nəfis və dolğun şəkildə tərənnüm etdirən “Şərq Bazarı” pavilyonlarında köhnə və müasir Bakının vəhdətinin ab-havasını öz nəfəsiylə duyacaq.

FOOd COURT

Discount campaign
will soon
start
Discount

In those days, the market was the most visited place by tourists. Everything here was built in the Eastern style. Against the backdrop of colorful carpets and silk fabrics, those shopping in the market would feel like they were in a moment of "1001 Nights" tales. Until the end of the 1990s, the Eastern Market was the most visited place by animal lovers, as well as maintaining basic rules. So, every Sunday, various animals and birds were brought here from different parts of Baku and sold.

MƏRTƏBƏ XƏRİTƏ